Llogaritë e afërta me organizatën terroriste PKK kanë filluar një iniciativë për manipulin dhe dezinformim në rrjetet sociale pas fillimit të operacionit “Burimi i Paqes” në veri të Sirisë nga ana e ushtrisë turke, raporton Anadolu Agency (AA).
Llogaritë në fjalë, duke përdorur fotografi të masakrave në të kaluarën, kanë pretenduar se ato janë kryer gjatë operacioneve antiterroriste të Turqisë “Dega e Ullirit” dhe “Mburoja e Eufratit”.
Në një postim me fjalët “Turqia e ka bërë këtë më parë, a mendoni se nuk do ta bëjë përsëri?”, është përdorur një fotografi nga Masakra në Khojaly në vitet 90.
Simpatizantët e organizatës terroriste u përpoqën të fitojnë mbështetës duke krijuar etiketa të caktuara në rrjetet sociale.
Ndryshe, mbështetësit e organizatës kishin përdorur fotografi të ndryshme luftërash nëpër botë për të përhapur propagandë dhe dezinformata edhe gjatë operacioneve të mëparshme të Turqisë, “Mburoja e Eufratit” dhe “Dega e Ullirit”.
Turqia sot njoftoi fillimin e operacionit “Burimi i Paqes” në lindje të lumit Eufrat në veri të Sirisë për të siguruar kufijtë e saj duke eleminuar elementet terroriste dhe për të garantuar kthimin e sigurt të refugjatëve sirianë dhe integritetin territorial të Sirisë./ AA