Ushtria izraelite ka njoftuar se një raketë e lëshuar nga Jemeni ka shkaktuar sirena alarmi në pjesën qendrore të Izraelit herët në mëngjesin e sotëm. Deri tani nuk raportohet për viktima apo dëme materiale.
Sipas ushtrisë, raketa është kapur me sukses dhe alarmet u aktivizuan “sipas protokollit”. Ky është sulmi i katërt që i atribuohet luftëtarëve Houthi nga Jemeni gjatë këtij muaji.
Raketa të tjera nga Jemeni janë kapur të hënën dhe të enjten e kaluar. Më 4 maj, një raketë shpërtheu pranë aeroportit Ben Gurion në afërsi të Tel Avivit, duke plagosur disa persona dhe duke shkaktuar ndërprerje të përkohshme të fluturimeve. Disa linja ajrore ndërkombëtare pezulluan përkohësisht shërbimet drejt Izraelit pas incidentit./mesazhi
