Doli në shesh edhe marrëveshja sekrete në lojërat e pista të luajtura në qytetin Raka mes organizatës terroriste PYD, fraksionit të PKK-së në Siri dhe organizatës terroriste DAESH.
Organi mediatik anglez, BBC pretendoi se rreth 250 terroristë të DAESH-it së bashku me familjet e tyre janë evakuuar në mënyrë të sigurt nga Raka me një operacion të organizatës separatiste terroriste PKK/PYD/YPG, e cila mbështetet nga Shtetet e Bashkuara të Amerikës.
Sipas lajmit të gazetarëve të BBC-së, Quentin Sommerville dhe Riam Dalati, evakuimet janë kryer muajin e kaluar kur PYD/YPG-ja mori nën kontroll qytetin Raka nga DAESH-i.
Në mesin e terroristëve të evakuuar të DAESH-it, krahas liderëve të kësaj organizate kishte edhe një numër të madh të luftëtarëve të huaj.
250 terroristë të evakuuar të DAESH-it ishin në mesin e 4 mijë personave që përbëheshin nga familjet e terroristëve, të cilët u evakuuan nga qyteti para vënies së tij në dorë nga ana e terroristëve të PKK/PYD-së të përkrahur nga ShBA-ja me një autokolonë që përbëhej nga qindra makina.
Sipas lajmit të BBC-së, terroristët e huaj pjesëtarë të DAESH-it u larguan nga Raka me 10 kamionë të mbushur me armë dhe municione. Në lajm i jepet vend edhe dëshmive të Ebu Fevzi dhe shokëve të tij që ishin shoferët e kamionëve me të cilat u largua DAESH-i.
Shoferët bënë të ditur se PKK/YPG-ja më 12 tetor prej tyre kërkuan që familjet e ikura nga lufta në qytetin Tabka në brigjet e lumit Eufrat, ti dërgojnë në një kamp tjetër në veri të vendit.
Mirëpo pas mbledhjes së autokolonës nëpër kamionë në vend të familjeve civile ndodheshin anëtarët e organizatës terroriste DAESH, familjet e tyre dhe armë dhe municione të shumta.
Ndërkaq shoferit Ebu Fevzi dhe shokëve të tij u janë premtuar me mijëra dollarë për këtë operacion, të cilin duheshin ta mbajnë sekret.
Në këtë mënyrë në Raka u vendosën terroristët e PKK/PYD/YPG të mbështetur nga ShBA-ja, të cilët mundësuan arratisjen e qindra terroristëve të DAESH-it.
