Zëvendësministri i Jashtëm sirian Faisal Mekdad thotë se sistemet e mbrojtjes ajrore të vendit janë plotësisht të përgatitura për të dhënë një përgjigje të fortë ndaj çdo akti të mundshëm të agresionit, duke theksuar se vendimi për t’u përballur me çdo veprim agresiv është i afatgjatë.
“Mbrojtja e ajrit siriane është e gatshme të pengojë çdo sulm në tokën siriane, pavarësisht nëse ato janë nisur nga avionë izraelitë, amerikanë apo turq, apo ndonjë forcë që kërkon të shkelë prestigjin e popullit sirian dhe të dëmtojë të drejtat e tij”, tha të mërkurën Mekdad në një intervistë ekskluzive për rrjetin televiziv libanez al-Manar. Ai shtoi: “Ne kemi deklaruar gjithmonë se ne përballemi me sulmet izraelite sipas agjendës sonë, dhe jo të të tjerëve”. Mekdad vuri në dukje aleancën e qeverisë së Damaskut me Rusinë, Republikën Islamike të Iranit dhe lëvizjen e rezistencës libaneze të Hezbollahut. “Ne jemi ata që vendosim se kur dhe si të reagojmë ndaj agresionit. Mbrojtja ajrore e Sirisë goditi më shumë se një avion sionist mbi lartësitë e pushtuara të Golanit dhe në territoret palestineze, “vuri në dukje zyrtari i lartë sirian. Zëvendësministri i Jashtëm sirian vuri në dukje se Izraeli duhet të kuptojë që Damasku është i vendosur të dalë fitimtar në luftën kundër terrorizmit dhe ndaj politikave ekspansioniste të Izraelit./ PT
