Sot në qytetin Soçi të Rusisë filloi me punime Kongresi Kombëtar i Sirisë.
Bëhet e ditur se në punimet e kongresit nuk merr pjesë organizata terroriste PKK/PYD.
Dita e parë e Kongresit dyditorë, që do të organizohet nën patronazhin e Turqisë, Rusisë dhe Iranit, vendeve garantuese të armëpushimit në Siri e që do të mbledh përfaqësuesit e grupeve pro-regjimit dhe të opozitarëve, do të kalojë me pritjen dhe regjistrimin e pjesëmarrësve.
Ndërkohë që sot pritet mbajtja e mbledhjes përgatitore të kryetarëve të delegacioneve të vendeve garantuese, mbledhja kryesore, ku do të marrin pjesë afërsisht 1 mijë e 600 delegatë sirianë, do të mbahet nesër.
Turqia në këtë kongres do të përfaqësohet nga zëvendësnënsekretari të Ministrisë së Jashtme, Sedat Onal, Rusia nga ana e përfaqësuesit special i Presidencës ruse për Sirinë, Aleksandr Lavrentyev dhe Irani nga zëvendësministri i Jashtëm, Huseyin Caberi Ensari.
Përfaqësuesi special i OKB-së për Sirinë, Staffan de Mistura do të marr pjesë në mbledhjen e Soçit.
Gjatë mbledhjes së posaçme për Sirinë, e cila u mbajt në kryeqytetin Vjenë të Austrisë më 25-26 janar, opozitarët sirianë të mbështetur nga Riadi deklaruan se nuk do të marrin pjesë në kongresin e Soçit.
Në punimet e kongresit të Soçit do të diskutohet në lidhje me të ardhmen e Sirisë, ndërsa në tavolinë do të jetë edhe formimi i komisionit kushtetues për hartimin e kushtetutës së re.
Ndërkaq Turqia para mbajtjes së kongresit zhvilloi një trafik të ngjeshur diplomatik.
Ministri i Jashtëm, Mevlut Çavusoglu zhvilloi një bisedë telefonike me homologun e tij rus, Sergey Lavrov, gjatë së cilës u shkëmbyen mendimet në lidhje me rezultatet e mundshme të kongresit.
Të dy homologët gjatë bisedës gjithashtu i bënë një vlerësim zhvillimeve të fundit në Siri.
Një detaj tjetër në lidhje me kongresin u shfaq edhe në logon e kongresin.
Në logon e përdorur edhe në ftesat e dërguara për pjesëmarrje në kongres, tërheq vëmendjen përdorja e figurës së madhe të “degës së ullirit”.
Supozohet se vendimi për formën e re të logos është marrë pas fillimit të operacionit “Dega e Ullirit”./ trt