Dyzet e tetë terroristë u dorëzuan këtë vit pasi iu bindën forcave turke të sigurisë, tha Ministri i Brendshëm i Turqisë, Suleyman Soylu.
Duke folur në Panelin editorial të Anadolu Agency (AA) në kryeqytetin Ankara, ai tha se grupi terrorist YPG/PKK qëndron mbi kurrizin e grave, me 56 për qind të pjesëmarrjes së tyre në aktet terroriste.
“Të gjitha institucionet tona janë të angazhuar në luftën kundër terrorit, por ai do të përfundojë vetëm me guximin e nënave”, shtoi Soylu.
Protestat me ulje të nënave, fëmijët e të cilëve janë rrëmbyer nga YPG/PKK, në Turqinë juglindore filloi shtatorin e kaluar. Këmbëngulja e tyre ka bindur shumë rekrutë të rinj të kthehen në shtëpi.
Soylu tha se provincat lindore dhe juglindore të Turqisë do të përparojnë dhe do të bëhen qendra për prodhimin e tekstileve në 10-15 vitet e ardhshme.
Ministri i Brendshëm turk theksoi se Turqia ka deportuar mbi 7.900 terroristë të huaj nga 102 kombësi të ndryshme.
Turqia gjithashtu ndaloi hyrjen e mbi 90,000 të huajve të lidhur me organizatat terroriste, shtoi ai.
Në fushatën e saj më shumë se 30-vjeçare terroriste kundër Turqisë, PKK e renditur si organizatë terroriste nga Turqia, SHBA dhe Bashkimi Evropian, ka qenë përgjegjëse për vdekjen e gati 40,000 njerëzve, përfshirë shumë gra, fëmijë dhe foshnje. YPG është dega Siriane e PKK-së.
