“Tamponët e marrë në Shkodër dje nuk janë analizuar”, Bardh Spahia: Edi Rama po luan me shëndetin e qytetarëve

Ish-deputeti i PD-së, Bardh Saphia, tha se tamponët e marrë dje në Shkodër, nuk janë analizuar.

Me një shënim në facebook, Spahia shkruan se “po fshihet realiteti” dhe se mos analizimi i tamponëve të marrë në Shkodër “po bëhet për të mbajtur shifrën e të infektuarve në nivelin që do Rama”.

Spahia e konsideruar këtë “monstruoze”, ndërsa akuzon kryeministrin se “po luan me shëndetin e qytetarëve.

Postimi i plotë:

PSE NUK ANALIZOHEN TAMPONET E SHKODRES ?

Fshehja e të infektuarve është një akt kriminal, I përsëritur e koha po tregon se nuk është rastësi! Edi Rama po luan me shëndetin e qytetarëve, posacërisht të shkodranëve, duke e shndërruar këtë sfidë me COVID-19 në një betejë të sëmurë personale për manipulim shifrash.

Ministria e Shëndetësisë deklaroi sot se Shkodra është në të njëjtat shifra të infektuarish, 71. Dje janë marrë 54 mostra testimi në Shkodër dhe ka dyshime të forta se nuk është analizuar asnjëra!

Kjo për të mbajtur shifrat në nivelin që do Edi Rama, duke fshehur realitetin. A ka më monstruoze se kjo? Si mund të lejohen persona të infektuar të sillen normalisht, potencialisht duke infektuar të tjerë, familjarë a kolegë, vetëm sepse Edi Ramës nuk i pëlqejnë shifrat në rritje, sic po ndodh edhe me fqinjët tanë?

Si mund të fshihet një virus i tillë, në vend që të gjurmohet, frenohet e trajtohet?

Filozofia e fasadës që ka përdorur prej ditës së parë kur ka hyrë në politikë, rrezikon jetë në këtë situatë! Është papërgjegjshmëri kriminale!/Tpz

NDANI KËTË POSTIM

Mund tju interesojne