Shqiperia

Tërmeti në Korçë/ Basha: Të shpallet menjëherë gjendja e jashtëzakonshme

Kreu demorkat, Lulzim Basha ka reaguar në lidhje me tërmetin e rënë mëngjesin e kësaj të shtune në qarkun e Korçës.

 

Në tre postime të njëpasnjëshme, në Twitter, Basha duke u ndalur tek dëmet e shkaktuara, apelon që të shpallet menjëherë gjendja e jashtëzakonshme dhe të jepen urgjent fonte për shtëpitë e dëmtuara.

 

Basha thekson se nuk duhet humbur asnjë cast për shkak të lojërave politike por duhet vepruar mënjeherë me verpime konkrete për t’u ardhur në ndihmë banorëve.

 

“Qindra banesa janë dëmtuar nga tërmeti që goditi në orët e para të mëngjesit rajonin e Korçës. Shumë banorë kanë mbetur në qiell të hapur dhe qindra të tjerë janë në panik se çfarë do të ndodhë me banesat e tyre. Gjithcka kishin ndërtuar me sakrificë të madhe është shkatërruar.

Duhet shpallur gjendja e jashtëzakonshme në zonën e goditur për të dedikuar urgjent fonde për shtëpitë e dëmtuara. Nuk duhet humbur asnjë çast për shkak të paaftësisë apo lojrave politike por duhet vepruar menjëherë me fonde e veprime konkrete për të ndihmuar banorët e goditur.

Familjeve të mbetura në mes të katër rrugëve dhe në gjendje tronditje dhe pamundësie totale, shteti duhet tju ofrojë menjëherë ndihmë financiare dhe ushqim e strehë.”