Rajoni

Thaçi: Vendimin për të mandatuarin e kam nënshkruar, pres që Kurti ta pranojë

Presidenti i vendit, Hashim Thaçi, ka thënë se vendimin për mandatarin për kryeministër e ka nënshkruar dhe se pret që kryetari i Lëvizjes Vetëvendosje, Albin Kurti ta pranojë atë.

Kështu ka thënë ai para gazetarëve, duke shtuar se Kosova nuk do të mbetet e bllokuar edhe shumë gjatë sepse vullneti i njerëzve të Kosovës është më i madh se çdo lider – edhe se pretendimi për të mbajtur peng një shtet dhe një popull.

“Ajo që dua të ndodh është respektimi i plotë i vullnetit të qytetarëve të Kosovës të shprehur me 6 tetor. Partitë politike në përputhshmëri me rezultatin zgjedhor duhet t’i japin zgjidhje këtij procesi në mënyrë që të implementohet vullneti qytetar”.

“Adresa e zgjidhjes së këtij ngërçi është ende tek partitë politike. Në momentin kur të kalojë në një fazë tjetër – Presidenti i vendit duke ushtuar të drejtën e tij kushtetuese dhe ligjore, natyrisht se do të punojë me tërë potencialin dhe në konsultim me partitë politike që të garantohet funksionimi demokratik i institucioneve të Republikës së Kosovës”.
“Kjo rrjedhoje e zhvillimeve politike, përgjigjen e kërkon në adresat e partive politike. Nuk duhet të hyjmë në një fazë ngërçi apo një refuzimi për mos-ndërtimin e institucioneve sepse njerëzit kanë votuar të kenë institucione dhe jo për të krijuar vakuume të panevojshme” njofton media kosovare.

Thaçi ka theksuar se Kosova nuk do të mbetet e bllokuar për shumë gjatë dhe se do të shikohen të gjitha mundësitë e variacioneve politike që të gjendet një zgjidhje e cila është në përputhje me vullnetin qytetar.

“Për hir të korrektësisë, ju e dini letrat që ia kam dërguar kryetarit të partisë së parë në Kosovë, [Albin Kurtit aktualisht] që ta merr qysh e do rendi, rregulli dhe përgjegjësia politike qytetare – edhe zyrtarisht të drejtën e mandatarit për themelimin e Qeverisë”.

“Takimi ynë që ka qenë në zyrën time ka qenë një takim i një vullneti të mirë. Por, në të njëjtën kohë dua të shpresoj dhe e ftoj përsëri që të mos vazhdojë të mbetet vendimi im që e kam nënshkruar [ku Albin Kurti nominohet si kandidat për Kryeministër] në tavolinën time”.

“Nënshkrimi im për vendimin për mandatar ekziston dhe është në tavolinën time”.
“Si president i vendit, theksoj se vullneti i njerëzve të Kosovës është më i madh se çdo lider – edhe se pretendimi për të mbajtur peng një shtet dhe një popull”.

“Unë pres që vendimin të cilin e kam nënshkruar duke menduar se do ta marrë [Albin Kurti] sepse ka zhvilluar fushatë si kandidat për kryeministër; prandaj është shumë normale që ta pranojë edhe zyrtarisht nominimin si kandidat për Kryeministër”.

“Nëse jo, atëherë natyrisht se është e drejtë e tij e refuzimit publik dhe zyrtar se nuk është i gatshëm dhe kjo mbetet në përgjegjësinë e respektimit të vullnetit të elektoratit”, informon Klan Kosova./Tpz

OPINIONE