Ngjarje e rëndë në Tiranë. Një i ri, 29-vjeçar është hedhur nga kati i trete i spitalit ku po kurohej dhe ka ndërruar jetë.
Policia në informacionin paraprak, bën me dije se vīktima është shtetasi XH.K., 29 vjeç.
Sipas policisë, “ai rreth orës 04:30 të mëngjesit, dyshohet se është vetëhedhur nga kati i tretë i një spitali”.
Ndërkohë që “News 24” raporton se i riu ishte me COVID dhe është vetëhedhur nga Sanatoriumi.
Tiranë/Informacion paraprak
Më datë 13.08.2020, rreth orës 04:30 të mëngjesit, dyshohet se është vetëhedhur nga kati i 3 i një spitali shtetasi XH.K., 29 vjeç, e për pasojë ka ndërruar jetë.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes./Tpz
