Presidentët e Shteteve të Bashkuara të Amerikës, Donald Trump dhe i Rusisë, Vladimir Putin zhvilluan një takim dypalësh në kuadër të Samitit të G-20-ës që po mbahet në qytetin Osaka të Japonisë.
Tërhoqi vëmendjen shakaja që bëri Trump para takimit.
Trump e paralajmëroi Putinin që të mos ndërhyjë në zgjedhje në ShBA.
Sipas komunikatës së lëshuar nga Shtëpia e Bardhë, Trump dhe Putin gjatë takimit të tyre në kuadër të samitit biseduan edhe për marrëdhëniet mes dy vendeve.
Të dy liderët u dakorduan që forcimi i marrëdhënieve mes ShBA-së dhe Rusisë përveç që do t’i shërbejë interesave të dy vendeve ajo do të jetë e dobishme edhe për vende të tjera të botës.
Gjatë takimit u bisedua për çështjet e Iranit, Sirisë, Venezuelës dhe Ukrainës.
Të dy krerët ranë dakord mbi propozimin e Trumpit të bërë më parë për përfshirjen e Kinës në negociatat mbi modelin e kontrollit të armëve të shekullit të 21-të./TRT
