Bota

Trump sulmon Kinën: Ju kapëm në flagrancë – po i jepni naftë Kim Jong-Un

Presidenti i SHBA-së, Donald Trump, deklaroi sot se është shumë zhgënjyese që Kina lejon Korenë e Veriut të vijë deri te nafta, duke paralajmëruar se lëvizje të tilla do të parandalonin një zgjidhje “miqësore” ndaj krizës së shkaktuar nga programi bërthamor i Phenianit, ndërkohë që Kina ka hedhur poshtë akuzat.

“Janë kapur në vepër. Jam shumë i zhgënjyer që Kina lejon naftën të hyjë në Korenë Veriore. Nuk do të ketë kurrë një zgjidhje miqësore për problemin verikorean nëse kjo vazhdon të ndodhë”, shkruan Trump në Twitter.