Një turist rus që ndodhet me pushime ne Shqipëri denoncon se është dhunuar nga dy të rinj në qytetin e Vlorës pasi u ka bërë foto dhe u ka kërkuar të mos keqtrajtonin një qen.
Ngjarja sipas turistit, ka ndodhur në zonën e ujit të ftohtë. Në një video amatore te vënë në dispozicion nga turisti rus, dëgjohen dy të rinj që i kërkojnë llogari pse i filmoi, ndërsa kanë tentuar ti marrin celularin.
Në polici turisti ka rrëfyer si ndodhi ngjarja.
” Isha në apartamentin tim kur pashë 4 persona adoleshentë që po sulmonin një qen, mora dylbi të shikoja më mirë ngjarjen, sapo e vërtetova që po sulmonin qenin telefonova policinë dhe me pas zbrita poshtë ti beja foto. Në momentin që i bëra foto dy prej çunave mu afruan, me kërkuan të më merrnin telefonin që të me merrnin fotot që i bëra, kur nuk pranova që t’ja jepja filluan të më godisnin. Më goditën pas koke, rrash në shesh, edhe aty u vrava tek duart. Filluan më pas të më godisnin serish edhe kur unë isha në shesh, edhe me pas u larguan, nuk doja ti beja keq atyre dy adoleshenteve doja vetëm t’i ndaloja qe mos te vrisnin kafshën e gjore. Ata më sulmuan pa të drejtë duke u munduar të më thyenin telefonin. Shkova në fillim në spital për tu mjekuar pasi u mjekova erdha ne polici bëra denoncimin.”/ oranews
