Bota

Turqia kritikon vendimin e OKB-së mbi forcat paqeruajtëse të Qipros

Ministria e Jashtme e Turqisë ka kritikuar vendimin e Këshillit të Sigurimit të OKB-së (KS-OKB) që zgjati mandatin e forcave paqeruajtëse në ishullin e Qipros.

Ministria tha se zgjatja e mandatit për gjashtë muaj, duke miratuar njëzëri Rezolutën 2537 (2020) pa pëlqimin e turqve qipriotë, është kundër rregullave dhe parimeve të OKB-së.

Forcat Paqeruajtëse të Kombeve të Bashkuara në Qipro (UNFICYP) duhet të bëjnë marrëveshje ligjore me autoritetet turke qipriote në lidhje me praninë e tyre në ishull, theksohet më tej.

Turqia përsëriti se përkundër mangësive ligjore, UNFICYP vazhdon aktivitetet e saj në ishull vetëm përmes qasjes qëllimmire të Republikës Turke të Qipros Veriore dhe Ankaraja mbështet deklaratën e Ministrisë së Jashtme të Qipros Veriore për këtë çështje.

Theksohet se është një situatë që provokon derisa Këshilli i Sigurimit po bën thirrje për bashkëpunim midis dy palëve në ishull, por injoron çështjen e ndarjes së drejtë të burimeve të hidrokarbureve si një nga fushat e bashkëpunimit.

Ministria tha se Turqia në mënyrë të përsëritur ka theksuar se çështjet në lidhje me Mesdheun Lindor mund të zgjidhen përmes bashkëpunimit për burimet hidrokarbure të palëve turke dhe greke qipriote si partnerë të barabartë të ishullit.

Ai shtoi se me të njëjtin kuptim, është e mundur të vendoset mekanizëm i drejtpërdrejtë kontakti midis autoriteteve ushtarake të shënuara në vendimin e këshillit midis Komandës së Forcave të Sigurisë të Qipros Turke dhe ekuivalentit të tij grek.

Ministria tha se siç përmendet në raportin e fundit të UNFICYP të Sekretarit të Përgjithshëm të OKB-së, pengesa kryesore për mungesën e një bashkëpunimi efektiv midis dy palëve është shqetësimi i palës qipriote greke për të njohur palën qipriote turke, me fjalë tjera, të pranojnë atë si një partner të barabartë.

Më tej nënvizohet se mentaliteti i palës greke qipriote është arsyeja pse përpjekjet për zgjidhjen në këtë ishull kanë qenë jokonkluzive për më shumë se 50 vjet.

Në vitin 1974, pas një grushti shteti që synonte aneksimin e Qipros nga Greqia, Ankaraja duhej të ndërhynte si fuqi garantuese. Në vitin 1983, u themelua Republika Turke e Qipros Veriore.

Me dekada janë bërë përpjekje për të zgjidhur mosmarrëveshjet në Qipro, ndërsa të gjitha kanë përfunduar pa rezultat. E fundit, e zhvilluar me pjesëmarrjen e vendeve garantuese, Turqia, Greqia dhe Britania, përfundoi në vitin 2017 në Zvicër.

Forcat Paqeruajtëse të OKB-së në Qipro u krijuan nën KS të OKB-së në vitin 1964 për të shmangur një luftë midis qipriotëve grekë dhe qipriotëve turqë.

Prania e forcës në ishull është vënë në dyshim nga pala turke për shkak të qasjes së saj politike dhe të njëanshme./AA

Etiketa

OPINIONE

INTERVISTA