Turqia propozon nje takim mbi islamofobine dhe racizmin

“Ne jemi të shqetësuar nga racizmi, islamofobia dhe ksenofobia në Evropë dhe më gjerë”, tha Çavushollu para gazetarëve në Bruksel, pas një takimi BE-OBI mbi çështjen e Palestinës dhe Jerusalemit.
Stambolli gjatë këtij viti mund të jetë nikoqir i një forumi të përbashkët të Bashkimit Evropian (BE) dhe Organizatës së Bashkëpunimit Islam (OBI) për të diskutuar mbi kërcënimin e islamofobisë dhe lëvizjeve të lidhura me urrejtjen, tha të premten ministri i Jashtëm turk, Mevlyt Çavushollu (Mevlüt Çavuşoglu).

“Ne jemi të shqetësuar nga racizmi, islamofobia dhe ksenofobia në Evropë dhe më gjerë”, tha Çavushollu para gazetarëve në Bruksel, pas një takimi BE-OBI mbi çështjen e Palestinës dhe Jerusalemit.

Forumi “mund të mbahet në fund të vjeshtës”, pas Asamblesë së Përgjithshme të OKB-së në Nju-Jork sugjeroi ai.

“Kolegët tanë po punojnë për agjendën dhe datën e evenimentit,” shtoi ai, duke bërë thirrje për “një luftë të përbashkët” kundër islamofobisë, ksenofobisë dhe racizmit.

Së bashku me Çavushollu, që përfaqëson Turqinë si kryesuese e radhës në OBI, liderë të tjerë që morën pjesë në takim ishin shefja e politikës së jashtme të BE-së Federica Mogherini, sekretari i përgjithshëm i OBI-së Yousef bin Ahmed Al-Othaimeen dhe ministri i Jashtëm palestinez Riyad al-Maliki.

Në takim u diskutuan çështjet dhe problemet me të cilat ballafaqohen OBI dhe BE,- tha Çavushollu

“Një nga çështjet është statusi i Palestinës dhe Jerusalemit dhe çfarë mund të bëhet për të kundërshtuar vendimin e marrë nga Shtetet e Bashkuara”, tha ai, duke iu referuar vendimit të presidentit amerikan Donald Trump për ta njohur Jerusalemin si kryeqytetin e Izraelit.

Ai shtoi se Turqia dhe BE riafirmojnë se favorizojnë një zgjidhje me dy shtete në Lindjen e Mesme

NDANI KËTË POSTIM

Mund tju interesojne