Dy ditë më parë policia ndaloi në Kapshticë 16 emigrantë nga Lindja e Mesme dhe Afrika e Veriut, pasi po tentonin që përmes Shqipërisë të kalonin në vendet e BE. Emigrantët ishin 10 nga Siria, 5 palestinezë dhe një libian. Pas ndalimit ata janë dërguar në qendrën e azilkërkuesve në Tiranë.
Në mesin e 16 të ndaluarve është edhe një sirian që dyshohet se ka qenë pjesë e grupeve terroriste që vazhdojnë ende luftën në Siri e Irak.
Pas arrestimit ai është dërguar në Qendrën e Mbyllur për të Huaj në Kareç, ndërsa po punohet për ta identifikuar. Autoritetet shqiptare vijojnë hetimet për sirianin.
Burimi: Shqiptarja.com
