Prokuroria e Durrësit u grabit gjatë orëve të vona të natës nga persona ende të paidentifikuar.
Sipas të dhënave nga vendngjarja, autorët kanë hyrë nga dera kryesore dhe më pas dyert e brendshme janë hapur nëpërmjet kartës. Autorët vodhën dosjet në dosjen e prokurorit Afrim Shehu.
Prokuroria e Durrësit ka hetuar 3 çështje të rëndësishme.
Një nga dosjet e rëndësishme që është ende nën hetim nga Prokuroria e Durrësit është ajo e abuzimit me pronat dhe plazhet publike në Ishëm, ku u arrestuan dhe katër ish-zyrtarë të shtetit, mes të cilëve dhe ish-kryetari i Komunës Ishëm.
Një dosje tjetër është ajo e Maminasit ku u kapën 613 kilogramë kokainë.
Një tjetër dosje e rëndësishme e hetuar nga Prokuroria e Rrethit Gjyqësor Durrës është edhe ajo e çiftit Gina-Gashi. Prokurorët Dritan Gina dhe Rovena Gashi kanë qenë subjekt hetimi në këtë institucion, deri pak ditë më parë, kur dosjet e tyre kaluan në Prokurorinë e Fierit.