Bota

Ushtria e Jemenit: Tre baza saudite, mbi 150 kilometra katrorë janë marrë në fazën e 2-të të sulmit në Naxhran

Zëdhënësi i Forcave të Armatosura të Jemenit deklaroi se tre baza ushtarake saudite dhe më shumë se 150 kilometra katror territor janë marrë gjatë fazës së dytë të një operacioni ushtarak në shkallë të gjerë të kryer nga trupat e ushtrisë së Jemenit dhe luftëtarët aleatë nga Komitetet Popullore provincën Naxhran në jug të mbretërisë saudite.

Duke folur në një konferencë shtypi në kryeqytetin Sana’a të martën në mbrëmje, gjeneral brigade Jahja Sarei tha se pamjet video të regjistruara nga forcat jemenase në fazën e dytë të Operacionit Fitorja nga Zoti dëshmon për kontrollin e tyre të plotë mbi bazat ushtarake saudite dhe kapjen e një sasie të konsiderueshme armësh dhe municionesh. Ofensiva gjithashtu rezultoi në vdekjen dhe plagosjen e të paktën 200 ushtarëve të koalicionit të udhëhequr nga Arabia Saudite. Zëdhënësi i Forcave të Armatosura Jemeni vazhdoi të thotë se ushtarët jemenas dhe aleatët e tyre arritën të mbanin kontrollin mbi zonat al-Fara’a dhe al-Suh, dhe arritën në malësitë nga ku mbikëqyret qyteti Naxhran, i vendosur 844 kilometra (524 milje) në jug të kryeqytetit saudit Riad./PT

OPINIONE