Bota

Ushtria indiane përdor njeriun nga Kashmiri si mburojë njerëzore (VIDEO)

Policia në Kashmir ka paraqitur një ankesë penale kundër ushtrisë indiane pas shfaqjes së një videoje që tregon një njeri të lidhur me një Jeep, që dyshohet se është duke u përdorur si një mburojë njerëzore.

Farooq Ahmad Dar tha se ishte në rrugën e tij për në një funeral para se të lidhej në makinë dhe të shtyhej për të paktën nëntë fshatra në rajon.

Policia është duke shqyrtuar akuzat e rrëmbimit dhe të rrezikimit të jetës së njeriut kundër ushtrisë, njoftoi NDTV. Burime të sigurisë thanë për NDTV se incidenti ndodhi më 9 prill.

Ushtria indiane ka filluar një hetim të brendshëm për këtë incident, raportoi NDTV.

Video që përfshin Farooq Ahmed Dar është qortuar nga publiku në rajon, që kur ajo doli online.

Llogaria në YouTube që përmban ngarkimin më të hershëm të videos është kontaktuar nga RT. Kanali përmban një numër videosh nga Kashmiri që tregojnë ngjarjet e fundit të dhunshme. Pamjet e këtij incidenti nuk besohet të kenë qenë filmuar nga pronari i llogarisë.


Videoja 56-sekondëshe e ngarkuar më 13 prill, tregon njeriun e lidhur me xhipin që kalon nga kamera, para se operatori të zhduket.

Imazhet nga mediat dhe politikani Omar Abdullah kanë vërtetuar pretendimet se video është xhiruar në Beerwah, dhe që forcat e përfshira ishin Indiane.

RT pyeti kanalin në YouTube dhe Abdullahun për sqarim se nga është marrë video, por ende nuk ka marrë një përgjigje.

Video e Farooq Ahmed Dar pas incidentit është shpërndarë në internet, video në të cilën ai tregon rrobat e tij të dëmtuara në kamera dhe shpjegon se ai ishte drejt një funerali, kur ushtria e rrahu atë dhe e lidhi me xhipin.

Dar pohoi se ai nuk kishte lidhje me separatistët që po bëjnë thirrje për një bojkot të zgjedhjeve të fundit, dhe tha se ai kishte votuar në zgjedhje.

Burime të sigurisë thanë për NDTV se njeriu është përdorur si një mburojë, kur oficerët e votimit u përballën nga një turmë njerëzish që gjuanin me gurë. “Ata do të ishin vrarë nga 400 njerëz”, tha burimi, duke pretenduar se Dar është përdorur si një pengesë dhe se nuk ishte dëmtuar.

Në internet ka qarkulluar një imazh që tregon Darin në xhip, pasi ai afrohet në një ndalim. Numri 339, i dukshëm në parakolpin e xhipit, është i njëjtë me atë të xhipit në video.

Beerwah ndodhet më pak se 30 km në perëndim të Srinagarit, ku tetë persona u vranë nga policia më 9 prill, pasi policia hapi zjarr mbi protestuesit që pretendoheshin se ishin hedhur gurë. / © Gazeta Impakt

OPINIONE

INTERVISTA