Bota Kuriozitete

Vajza e Çërnobilit: Historia e pabesueshme e fëmijës së vetëm të lindur në “zonën e përjashtuar” (Foto)

I vetmi fëmijë i lindur në zonën e ndotur të Çernobilit, pas shpërthimit bërthamor të vitit 1986, është shndërruar në një vajzë të re të shëndetshme.

Historia mahnitëse e Mariyka-s nuk u shfaq në televizione, por ajo thuhet se është një “simbol i rilindjes së Çernobilit” pas shpërthimit katastrofik.

Megjithëse ajo u përmend në media të shkruara 19 vjet më parë kur u bë foshnja e parë dhe e vetme që lindte dhe u rrit në afërsi të reaktorit të katërt, ajo nuk është parë në media gjatë viteve.

Tani një studente 19-vjeçare në një institucion të arsimit të lartë në kryeqytetin e Ukrainës, Kiev, ajo u kontaktua nga Sunday Express dhe ka thënë: “Po bëj mirë, po punoj”.

Kur ajo u lind në vitin 1999, autoritetet ukrainase u përpoqën të fshehin “turpin” e rritjes së saj në një familje të punëtorëve të Çernobilit që jetonin ilegalisht në zonën e përjashtimit prej 19 miljesh.

Prindërit e saj refuzuan të largoheshin nga zona sepse, siç thuhet, autoritetet nuk u ofronin strehim alternativ.

Por ata ishin ngacmuar dhe akuzuar për “vrasjen” e vajzës së tyre.

Ajo notoi në një lumë aty afër dhe piu qumësht nga një lopë e ushqyer në kullotat e Çernobilit të rrezatuar nga shpërthimi bërthamor.

Përkundër këtyre, nëna e saj Lydia Sovenko mohonte thashethemet rreth shëndetit të vajzës së saj.

Dhe, sipas mediave të huaja, përcjell Telegrafi, shëndeti dhe suksesi i saj – i konfirmuar nga nëna dhe miqtë e saj – vjen pasi supozohet se natyra e Çernobilit po lufton kundër ndëshkimit të tmerrshëm bërthamor që vuajti 33 vjet më parë.

Në zonën e egër jetojnë kafshët e egra, drerë, derr të egër dhe ujqër, si dhe zogj dhe lule të rralla të egra.

Me gjithë vështirësitë dhe paragjykimet, nëna e saj, tani 66, ka thënë: “Njerëzit këtu besojnë se Mariyaka është një simbol i rilindjes së Çernobilit, një shenjë nga Zoti, të cilën e interpretojnë si një bekim për të jetuar këtu dhe se jeta po kthehet në këtë vend të turbullt”/telegrafi

OPINIONE