Sërish tension pranë KZAZ-ve në veri të vendit. Protestues të shumtë kanë tentuar të futen në KZAZ-në nr. 19 në Dibër e cila ndodhet në palestrën e shkollës së mesme “Nazmi Rushiti”.
Protestuesit kanë sulmuar efektivët e policisë e cila ka hedhur gaz lotsjellës për të shpërndarë turmën.
Tensione të forta mes policisë dhe protestuesve janë shënuar edhe në KZAZ-të e Burrelit, Klosit e Bulqizës ndërsa në Vaun e Dejës materialet zgjedhore u dogjën mbrëmjen e së enjtes.
