VIDEO/ Qeveria bën show me djalin e sëmurë, Erjon Xhangolli, i ati përzë kameramanët: Edi Rama, dua të takoj personalisht!

Reagon për Fax News babai i Erjon Xhangollit, i sëmurë prej 9 vitesh  dhe që po lufton me vdekjen ndërkohë që ai ështrë trajtuar edhe në një spital grek, në të cilin ai thotë se i kanë dhënë shpresë por që nuk ka para për të përballuar shpenzimet.

Skënder Xhangolli shprehet tepër i irrituar me kryeministrin Rama për të cilin thotë se e ka gënjyer dhe që sipas tij të dërguarit e tij i shkojnë në banesë me kamera nëpër duar duke bërë spektakël, ndërsa të birit nuk i kanë orfuar asnjë zgjidhje.

Më tej, i moshuari tha për Fax News se vajza e tij kishte nxjerrë jashtë nga banesa e saj mjekun që kishte mbërritur me kamera pas tij, duke pretenduar se mjaft janë tallur me sëmundjen e të riut, ndërsa kryeministrit i thotë se do ta takojë përsonalisht për t’ia shprehur atë çfarë ka përbrenda.

“Rama eshte tallur me djalin tim dhe ka bere vetem reklame. Me kane marr ne telefon nga ministria dhe me thane se do na ndihmonin per ta çuar jashte shtetit. E moren me ambulance e çuan ne Tirane dhe e kthyen brenda dites. Kur erdhi ne shpi djali ishte i nxire. Ai nuk e perballon dot udhetimin. I ben vetem skaner . Nuk i kishin bere asnje mjekim tjetër. As plagen , as tuben e stomakut asgje nuk kane bere. Erdhi  sot ambulanca dhe mjeku bashke me kamera neper duar. Vajza i nxori jashte dhe nuk i lejoi t’i filmonte. Boll me reklama. I them kryeministrit Rama mos tallet me njerzit dhe me djalin tim te semurë. Le ta bente reklamen me mua jo me djalin tim. Jemi ngopur. Jam shume i shqetesuar. Dua ta takoj perballë Ramen ta shpreh ate ç’ka kam perbrenda. Le te me futin ne burg. E kemi mbajtur ne spital privat ne Greqi dhe jemi borxh mijera euro. Javen e fundit dolem te gjithe si fis lypem ne rruge per ta shtyre sadopak qendrimin ne spitalin privat. Por nuk kishim asnje mundesi me tej. Kerkoj ndihme nga shqiptaret . Doktoret grek kane dhene shprese per Erjonin tim. Por kushton shume”, tha Skënder Xhakolli për gazetaren Ledjona Xheladinaj./faxweb

NDANI KËTË POSTIM

Mund tju interesojne