Opinion Shqiperia

Viktimat të izoluara të MEK, Nenat i përgjigjen Orjola Pampurit

Zonja Pampuri, ish-deputete

Përshëndetje dhe mirënjohje,

Sipas një uebsajti të Organizatës së Muxhahedinëve e Khalq me bazë në Shqipëri (MEK, Kulti Rajavi), ju keni bërë një fjalim si deputet (edhe pse kishit dhënë dorëheqjen në vitin 2019) për “Konferencën Ndërkombëtare Online për Lirinë dhe Demokracinë në Irani” më 20 qershor 2020, në një konferencë që u mbajt në internet duke lidhur rreth 2,000 vende në të gjithë botën.

Në mesazhin tuaj politik ju iu drejtuat popullit të Iranit dhe i treguat simpatinë tuaj për ta në maksimumin e njohurive tuaja. Sidoqoftë, duket se nuk jeni plotësisht të vetëdijshëm për gjendjen reale të anëtarëve të MEK në vendin tuaj, familjet e tyre të dëbuara dhe sa vuajtje kanë duruar për shkak se nuk kanë kontakte më të dashurit e tyre prej dekadash.

Ne jemi nëna të anëtarëve të kultit të Rajavi. Ata janë bllokuar në kampin e MEK në Shqipëri pa qasje në botën e jashtme dhe u ndalohet të kontaktojnë familjet e tyre. Ne dëshirojmë të sjellim në vëmendjen tuaj këtë situatë të dhimbshme.

Ne dëshirojmë të tërheqim vëmendjen tuaj ndaj praktikave të kultit të imponuara brenda kampit dhe t’ju kërkojmë të mësoni më shumë rreth kësaj nga ish anëtarët, familjet dhe kritikët e MEK. Nëse zyrtarët e MEK mund të lidhin 2000 lokacione menjëherë, pse nuk mund të organizojnë dicka që anëtarët e tyre t’i thërrasin familjet e tyre?

E vërteta është se MEK, si të gjitha kultet e tjera të kontrollit shkatërrues të mendjes, ka këto karakteristika:

  1. Shtypja e mendimit kritik për udhëheqësin dhe kultin nga anëtarët, apo edhe nga të huajt, në mënyrën më të ashpër të mundshme (pa kritikë);
  2. Izolimi i anëtarëve nga bota e jashtme, në veçanti familja dhe miqtë e tyre (pa kontakt);
  3. Ndëshkimi i anëtarëve për të menduar edhe për largim (pa dalje);
  4. Kërkimi i një besnikërie të papërshtatshme ndaj udhëheqësve të tyre, që do të thotë se anëtarët janë praktikisht pronë e liderëve Massoud dhe Maryam Rajavi (skllavëri moderne);
  5. Mohimi i formimit të njësive familjare (pa martesë, pa fëmijë, pa marrëdhënie familjare – nënat, baballarët, bashkëshortët, pasardhësit konsiderohen si armiqtë kryesorë, madje më shumë sesa vetë qeveria iraniane);
  6. Vendosja e kufijve të rreptë të sjelljes (prishja e përgjigjeve normale emocionale dhe besimeve shpirtërore dhe mohimi i pronësisë personale);
  7. Perversiteti nga praktikat e zakonshme fetare dhe imponimi i doktrinave të trilluara kulturore jashtë mendimit dhe veprimit aktual (nën maskën e Islamit Shiit modern).

Kemi vetëm një kërkesë humanitare dhe të drejtë. Meqenëse keni një lidhje të ngushtë me MEK dhe Maryam Rajavi, a do të vepronit me mirësi si ndërmjetës për familjet, në veçanti nënat e moshuara, të kontaktonin me të dashurit e tyre, kështu që ne të paktën në ditët e fundit të jetës, mund të dëgjojmë zërin e tyre pas kaq shumë dekadash.

Sorayya Abdollahi, në emër të “Nënave, të viktimave të izoluara të MEK”

/Gazetaimpakt//nejatngo.org/

OPINIONE

INTERVISTA