Dy muaj pas vrasjes së teknikut të kondicionerit në një vilë në zonën e Myslym Shyrit, policia e Tiranës ka arrestuar Lulëzim Kusin, xhaxhain e dy vëllezërve Kusi, të akuzuar si autorët e ngjarjes.
Albano dhe Griseldo Kusi, dy vëllezër, akuzohen se vranë Indrit Celën, i cili punonte në banesën e tyre.
Xhaxhai i tyre, Lulëzim Kusi, u arrestua nga Policia, pasi gjatë kontrollit që është ushtruar nga policia në banesën e tij më 6 shtator, kur po kërkohej për autorët, atij iu gjet një armë zjarri pa leje e llojit kallashnikov. Me ndryshimet e bëra në Kodin Penal, Kusi rrezikon 15 vite burg për armëmbajtje pa leje.
Gjithashtu dyshohet banesa e xhaxhait, është përdorur nga 2 nipërit e tij për t’u fshehur pas krimit të rëndë dhe për t’u larguar më pas jashtë vendit. Burime tregojnë se policia ka zhvilluar dje të tjera kontrolle në banesat e vëllezërve Kusi.
26-vjeçari, Indrit Çelaj,u vra më 23 gusht 2019, pas një sherri me dy djemtë e pronarit të një vile ku po punonte në Tiranë.
Djemtë e Bujar Kusit, Griseldi dhe Albanon, dy emra të njohur për botën e krimit me precedentë të mëparshëm penalë, vranë teknikun e kondicionerit dhe u përpoqën që t’ja hidhnin fajin kolegut të të riut./tpz
