Shqiperia

Ambasada e SHBA-së kërkon që ligji të zbatohet njësoj edhe për Saimir Tahirin

Ambasada e SHBA-ve në Tiranë reagoi sot në lidhje me vendimin e gjykatës për lënien në burg të Ervis Martianajt, personit që mbeti i plagosur pas përplasjes me armë të ndodhur një muaj më parë në zonën e ish- Bllokut në Tiranë.

 “Gjykata e Krimeve të Rënda të Shqipërisë dënoi Emiljano Shullazin dhe grupin e tij, por presim përparim të vazhdueshëm në rrugën e Shqipërisë drejt sundimit të fortë të ligjit.

Dje, Gjykata e Apelit të Tiranës dëgjoi argumentet e prokurorëve lidhur me masën e sigurisë për Ervis Martinaj.”, thuhet në reagim.

Por ambasada kërkon që ligji të zbatohet edhe për hetimet që janë duke u zhvilluar për ish- ministrin e Brendshëm, Saimir Tahiri.

“Ne presim hetimin e plotë të tij, ashtu siç presim që sundimi i ligjit të zbatohet gjatë hetimit në vazhdim për Saimir Tahirin.

Shtetet e Bashkuara mbeten të përkushtuara ndaj së ardhmes së Shqipërisë. #KushEKaRradhën”, përfundon reagimi.

 

OPINIONE