Shqiperia

Bënte ‘kërdinë’ në Kisha e Xhami, kapet në flagrancë hajduti 21 vjeçar në Shkodër

Një 21 vjeçar është arrestuar në flagrancë pasi vidhte objekte kulti, lokale dhe në qendrën shëndetësore.

Gjatë orëve të vona të mbrëmjes së djeshme në qytetin e Koplikut, 21 vjeçari me iniciale E. F., kishte vjedhur në Kishën Katolike sende që përdoren për kryerjen e meshave.

Ndërsa në orët e para të mëngjesit të sotëm, në fshatin Gruemirë Çezme, kishte vjedhur në lokalin në pronësi të qytetarit me iniciale G. P., si dhe në fshatin Koplik i Sipërm kishte vjedhur xhaminë e fshatit ku kishte vjedhur një sasi vlere monetare rreth 10.000 lekë.

Gjatë momentit të arrestimit, 21 vjeçarit iu sekuestruan në cilësinë e provës materiale dhe sendet e vjedhura në këto tre objekte.

Gjithashtu nga hetimet e kryera deri në këto momente rezulton se ky shtetas është autor edhe i disa ngjarjeve të ndodhura në fshatin Koplik i Sipërm konkretisht:

Më datë 03.01.2020, në fshatin Koplik i Sipërm, ka vjedhur me thyerje qendrën shëndetësore të këtij fshati.

Më datë 12.01.2020, në fshatin Koplik i Sipërm, ka vjedhur me thyerje lokalin e shtetasit R. N.

Në bashkëpunim me Prokurorinë, policia vazhdon punën për zbulimin e ngjarjeve të tjera ku mund të jetë i implikuar 21 vjeçari./shqiptarja

OPINIONE

INTERVISTA