Bota

Bllokoi 3 autostrada dhe 2 aeroporte, Turkish Airlines zhvendoset në “shtëpinë e re”(Video)

April 8, 2019
2 Min Lexim

Në një operacion që zgjati 45 orë, bllokoi 3 autostrada kryesore dhe pezulloi të gjithë trafikun në aeroportet “Ataturk” dhe të “Stambollit” për 12 orë, gjigandi i aviacionit “Turkish Ailrines” kreu zhvendosjen më të madhe në historinë e këtij sektori.

Kompanie turke u zhvendos nga “Ataturku” në aeroportin e ri të Stambollit, pasi qendra e re gjigante mori shumicën e trafikut të pasagjerëve që trajtohej nga aeroporti i vjetër i kryeqendrës së vendit.

Sipas zyrtarëve të linjës ajrore, kjo lëvizje ishte më e madhja në historinë e aviacionit botëror.

Operacionet përfshinë transportimin e më shumë se 47,000 tonë pajisje në 686 kamiona dhe automjete të tjera 40 km larg bazës së vjetër. Kompania zhvendosi gjithashtu 337 avionë në aeroportin e ri.

Gjatë fundjavës, stafi i Aeroportit të Stambollit, mirëpriti kompaninë në “shtëpinë e re”.

Aeroporti i ri i Stambollit, që kushtoi më shumë se 8 miliardë dollarë dhe që bën pjesë në një nga disa mega-projektet e mbështetura nga presidenti Erdogan, do të ketë fillimisht kapacitet për 90 milionë pasagjerë në vit, që është sa kapaciteti i aeroportit ekzistues më të madh në botë.

Qeveria turke parashikon që aeroporti i ri të kthehet në aeroportin më të madh në botë, me një kapacitet prej 200 milionë pasagjerë në vit. Pavarësisht se presidenti e hapi aeroportin e ri në Tetor të vitit të kaluar, trafiku i pasagjerëve ka qenë i limituar për shkak të grevave.

Por tashmë, qendra e re pritet të zëvendësojë godinën e vjetër të “Ataturk”. Një fluturim drejt Singaporit në fundjavë shënoi edhe fundin e eksperiencës së “Turkish Airlines” në aeroportin Ataturk.

Etiketa