Bota

Dalin detaje te reja nga gjetja e trupit të gazetarit të vrarë në konsulltën saudite në Stamboll

Trupi i gazetarit të vrarë Jamal Khashoggi u gjet në një pus në territorin e rezidencës së Konsullatës së Përgjithshëm të Arabisë Saudite në Stamboll.

Kjo është bërë e ditur nga udhëheqësi i partisë turke Vatan Dogu Perincek.

“Mësova nga burime të besueshme në shërbimet e sigurimit të Stambollit se trupi i Khashoggi u gjet në një pus të vendosur në kopsht në territorin e rezidencës së Konsullit të Përgjithshëm të Arabisë Saudite”, tha ai.

Burimi i gazetës Hurriyet në policinë turke ka treguar detajet e hetimit.

“Kur Khashoggi hyri në konsullatë, ai mbante këpucë, jo atlete. Dallimi i parë i vërejtur nga ekipi i policisë që shqyrtoi kamerat e vëzhgimit ishin këpucët, “tha burimi.

Gazetari saudit dhe korrespondenti i Ëashington Post, Jamal Hashogi, u vra në një konsullatë të Arabisë Saudite në Stamboll.

Pas disa ditësh mohimi, Arabia Saudite e ka pranuar se Khashoggi është vrarë në konsullatën e saj në Stamboll.

Khashoggi u zhduk më 2 tetor kur u pa për herë të fundit të hyjë në konsullatën e Arabisë Saudite në Stamboll.

Nderkohe sipas burimeve të Sky News, trupi i gazetarit ishte “prerë” dhe fytyra e tij ishte “shpërfytyruar”

Vetem pak moment me parë Presidenti turg Erdogan deklaroi se Vrasja e gazetarit saudit, Jamal Khashoggi, ka qenë e planifikuar disa ditë para se të ndodhte. Recep Tayyip Erdogan, mbajti një fjalim përpara deputetëve të partisë së tij në pushtet.

Ai tha se Turqia ka prova të forta se Khashoggi ka vdekur si pasojë e një “vrasjeje të paramenduar dhe të brutale”, në Konsullatën saudite në Stamboll, më dy tetor.

Ai bëri thirrje gjithashtu që të dyshuarit të gjykohen në Stamboll, e jo në Arabinë Saudite. Ndërkohë që prej sauditëve kërkoi përgjigje ndaj pyetjeve mbi vendndodhjen e trupit të pajetë të Khashoggit dhe se kush e urdhëroi operacionin.

OPINIONE

INTERVISTA