Dhjetëra kolonë izraelitë hynë me forcë në pikën e nxehtë të Kudsit Al-Aksa të dielën për festimin e vitit të ri hebre.
Departamenti i Vakëfit përmes një deklarate tha se 76 kolonë të mbështetur nga forcat e policisë izraelite kanë hyrë në kompleks.
Sipas gazetarit të AA-së, kolonët bënë xhiro në oborr për të shënuar festën hebreje Rosh Hashanah, e cila fillon nga e diela deri të enjten.
Mbështetësit hebraikë të krahut të djathtë u kanë bërë thirrje mbështetësve gjatë ditëve të fundit që të mblidhen në kompleksin Al-Aksa për të shënuar festën.
Të shtunën, një kolon izraelit u përpoq të frynte në shofar brenda kompleksit të pikës së nxehtë, por ai u nxorr jashtë nga rojet.
Al-Aksa paraqet vendin e tretë më të shenjtë në botë për muslimanët ndërsa hebrenjtë i referohen zonës si “Mali i Tempullit”, duke pretenduar se aty në kohërat antike ishin dy tempuj hebrenj.
Izraeli pushtoi Kudsin Lindor në të cilin ndodhet Al-Aksa gjatë Luftës Arabo-Izraelite në vitin 1967.
Në një lëvizje e cila kurrë nuk u pranua nga bashkësia ndërkombëtare, Izraeli aneksoi të gjithë qytetin në vitin 1980, duke pretenduar atë si kryeqytetin “e përjetshëm dhe të pandarë” të shtetit hebre./AA