Përmes avokatit të tij, Presidenti Erdoan ka bërë një kallëzim penal kundër pronarit, kryeredaktorit dhe editorëve të gazetës greke “Dimokratia” për “Fyerje të Presidentit“.
“Shprehjet e përdorura në gazetën greke kundër Presidentit tonë janë një nga shfaqjet më të shëmtuara të një kolapsi moral dramatik. Kur shikon heshtjen e publikut grek, kuptohet që ky degradim moral nuk është i kufizuar vetëm me segmentet margjinale. Sharja është gjuha e atyre që nuk kanë se çfarë të thonë ose e atyre që nuk e kanë aftësinë e të shprehurit me një stil të përshtatshëm edhe nëse kanë diçka për të thënë. Sharja është një turp i madh dhe një akt i neveritshëm jo për atë që i drejtohet, por për atë që e bën. Ky akt i neveritshëm nuk merr në shënjestër vetëm figurën e Presidentit tonë, por njëherësh edhe interesat e larta të Kombit tonë, të cilat ai i mbron me vendosmëri në Mesdhen Lindor dhe Detin e Ishujve”,- thuhet në kërkesën e kallëzimit penal./trt