Forcat izraelite kanë plagosur 11 palestinezë në periferinë veriore të Kudsit Lindor të okupuar, theksoi një organizatë humanitare palestineze.
Ushtria mësyu qytetin e Kafr Aqab nga një hapje e bërë nga një buldozer ushtarak në murin që e rrethonte atë.
Ata përdorën plumba plastikë dhe gaz lotsjellës kundër të rinjve palestinezë, të cilët reaguan ndaj bastisjes duke hedhur gurë.
Shumë njerëz u prekën nga gazi lotsjellës, thuhet në deklaratën e Shoqatës së Gjysmëhënës së Kuqe Palestineze.
Të gjithë të plagosurit u trajtuan nga ekipet mjekësore palestineze në rajon, thuhet më tej.
Kudsi mbetet në zemër të konfliktit në Lindjen e Mesme, me palestinezët që shpresojnë që Kudsi Lindor, i pushtuar nga Izraeli që nga viti 1967, mund të shërbejë përfundimisht si kryeqyteti i një shteti të pavarur palestinez./AA