Spitali i Laçit u shpall përkohësisht i pabanueshëm disa ditë pas tërmetit, ndërsa pacientët u transferuan në Lezhë dhe shërbimi ambulatorë e urgjenca u përshtat në çadër.
Kanë kaluar shtatë muaj që nga ajo ditë, dhe spitali ka mbetur i paprekur. Këtë na i dëshmon edhe një mjeke pediatre e këtij spitali, Jetmira Tusha.
Sipas vlerësimit të ekspertëve, dëmet në spitalin e Laçit nuk e rrezikonin ndërtesën, por ai nuk do të hapej pa rikonstruksion.
Përmes rrjetit të saj social Jetmira shkruan:
“Kjo eshte bebja jone e lindur me dt 6/6/2020 ora1. Nje vajze e bukur. Faleminderit gocave te mija Angjelina ,Albiona, Elona, Drita. Sidomos dy mamive Rexhina dhe Mira.
Sikur ta dinin ne cfare kushtesh e kemi prit kete beb do nxitonin te na ndertonin spitalin” ./tpz