Autoritetet e Izraelit ua ndaluan faljen e namazit të xhumasë palestinezëve në burgjet izraelite, raporton Anadolu Agency.
Shoqata e të Burgosurve Palestinezë tha se Administrata e burgjeve izraelite sot mori një vendim për moslejimin e faljes së namazit të xhumasë për të gjithë të burgosurit palestinezë.
Nuk janë dhënë informacione se për sa kohë vlen ndalesa, pra nëse ka të bëjë vetëm me ditën e sotme.
Sipas të dhënave të Shoqatës së familjeve të të burgosurve palestinezë, forcat izraelite vitin e kaluar privuan nga liria të paktën 1.600 palestinezë. Raporti i shoqatës thotë se një e katërta e të arrestuarve janë të mitur, ku në mesin e tyre së paku 30 janë fëmijë nën moshën 14 vjeç.
Sipas institucioneve palestineze, aktualisht në burgjet izraelite ka të paktën 6.000 palestinezë, përfshirë 270 të mitur.
