Presidenti i Kinës, Xi Jinping, u takua me Presidentin egjiptian, Abdel Fatah al-Sisi dhe atë të Guinesë, Alpha Conde, me të cilët bisedoi për marrëdhëniet dypalëshe, raporton Anadolu Agency (AA).
Ministria e Punëve të Jashtme e Kinës njoftoi se Xi u takua ndaras me Conde dhe Sisi në Samitin BRICS (Brazil, Rusi, Indi, Kinë dhe Afrikën e Jugut) që u mbajt në Xiamen të Kinës, në provincën Fujian.
Xi foli për zhvillimin e marrëdhënieve midis Kinës dhe Guinesë gjatë takimit me homologun e tij Conde. Presidenti i Kinës tha se vendet duhet të mbështesin interesat themelore të njëri-tjetrit duke patur mirëkuptim.
Gjatë një takimi me Sisi-n, presidenti i Kinës tha se ata i kushtojnë rëndësi të madhe marrëdhënieve dypalëshe dhe duan të vazhdojnë kontakte të ngushtë në nivele të lartë.
Ai tha se do të vazhdojë të mbështesë përpjekjet e Egjiptit për zhvillimin e shpejtë dhe ruajtjen e stabilitetit. Presidenti kinez shtoi se ata janë të gatshëm të zhvillojnë bashkëpunim gjithëpërfshirës strategjik me vendet e Lindjes së Mesme.
Pas takimeve, u nënshkruan marrëveshjet mbi ekonominë, teknologjinë, arsimin mjekësor dhe ndryshimet klimatike midis Kinës dhe Guinesë, ndërsa marrëveshjet mbi ekonominë, teknologjinë, komunikacionin dhe sigurinë u nënshkruan midis Kinës dhe Egjiptit.
Xi ishte takuar më parë me udhëheqësit e Rusisë, Meksikës, Afrikës së Jugut dhe Tajlandës. / AA