Greqia është gati të zgjerojë ujërat e saj territorialë në krahun perëndimor, nga 6 në 12 milje detare.
Ky është njoftimi i ish-ministrit të Jashtëm grek, Nikos Kotzias, i dhënë këtë të shtunë gjatë ceremonisë së dorëzimit të portofolit ministror te kryeministri Alexis Tsipras.
Njoftimi, në fakt, zgjeron zonën detare nga ishujt Diapontia, një grup ishujsh të vegjël në detin Jon – ku bën pjesë edhe Otonoi, – deri në Antikythera, një ishull që shtrihet mes Peloponezit dhe Kretës.
“Ky është një zgjerim i rëndësishëm politik i sovranitetit të vendit, për herë të parë që prej kohës kur Greqia përfshiu grupin e ishujve Dodecanese (më i madhi i të cilit është ai i Rodosit)”, tha Kotzias, duke shtuar se dekretet presidenciale janë gati.
Τέλος, η Ελλάδα επεκτείνει την κυριαρχία της μέσω επέκτασης της αιγιαλίτιδας ζώνης στα 12 ν.μ. από τους Οθωνούς ως τα Αντικύθηρα – τα σχετικά προεδρικά διατάγματα είναι έτοιμα –@NikosKotzias κατά την τελετή παράδοσης – παραλαβής του Υπουργείου Εξωτερικών pic.twitter.com/f3zvtymDil
— Υπουργείο Εξωτερικών (@GreeceMFA) October 20, 2018
Kotzias dha dorëheqjen këtë javë për shkak të mosmarrëveshjeve me kreun e partnerit në koalicionin e qeverisë së majtë, njëkohësisht ministër i Mbrojtjes, Panos Kammenos.
