Kryegjyqtari Skënder Haluci akuza të forta prokurorisë: “Në tre vite keni kapur vetëm punëtorët që vadisin dhe prashisin kanabisin”

Nuk arrestohen peshqit e mëdhenj të kultivimit të kanabisit por vetëm peshqit e vegjlit.

Kryetari i Gjykatës së Shkallës së parë të Vlorës, Skënder Haluci bën një deklaratë të fortë publike ku deklaron se në tre vitet që ai ka drejtuar këtë gjykatë, nuk ka mbërritur në bankën e të akuzuarve asnjë organizator i kultivimit të kanabisit.

“Në gjykatë vijnë vetëm punëtorët, jo organizatorët e kultivimit. Vijnë vetëm punëtorët që vadisin prashisin dhe ruajnë. Organizatorët e kultivimit të bimëve narkotike nuk kanë ardhur deri më sot për tu gjykuar të paktën në gjykatën që drejtoj unë prej 3 vitesh”, -tha Haluci.

Kryetari i Gjykatës së Vlorës vijon gjuhën e ashpër kur thotë se hetimet janë të përcipta nuk shkohet më tej për të kapur organizatorët, ata kultivuesit e vërtetë.

“Problemi është se hetimet janë të përcipta, në gjyq vijnë punëtorët dhe nuk shkohet më tej për të kapur organizatorët, ata kultivuesit e vërtetë jo punëtorët e hashashit “, -shprehet ai. /Ora News

NDANI KËTË POSTIM

Mund tju interesojne