Kryemadhi: Të hënën bashkohuni të gjithë me studentët në protestë

Kryetarja e LSI-së, Monika Kryemadhi nga një takim me strukturat e LSI-së në Durrës bëri thirrje që të gjithë të bashkohen të hënën me protestën e studentëve.

Në fjalën e saj, Kryemadhi tha se studentët nuk pranojnë të negociojnë, sepse e dinë se shefi i qeverisë këto takime i konverton në para dhe në vende pune.

“Edhe Edi Rama ndihet i pakënaqur për veten e tij. Sot ata vijojnë të kërkojnë të drejtat e tyre, të cilat janë minimale.

Një nga kërkesat tona ishte, nga sot, por nga dje të gjithë anëtarët e LSI duhet të harrojnë që janë anëtarë të LSI dhe të bëhen prindër.

Dëgjojmë studentët që thonë se nuk ka negociata, normal që nuk ka, sepse ata e dinë shumë mirë se Edi Rama e këmben dhe e konverton në para, leje ndërtimi apo edhe në Off-shore. Çdo negociatë është marrja e frymës për ta.

Nuk ka si të negociojnë sepse në parlament i kishte kërkesat, por nuk mori mundimin ti shfletonte. Erdhi si rezultat i ekonomive të shqiptarëve, erdhi si rezultat i përqendrimit të ekonomisë në duart e 5 njerëzve.

Të hënën të gjithë t’iu bashkoheni studentëve në Tiranë, pa flamuj partiakë, pa kartë anëtarësie, se ndryshe do të jetë shumë vonë për ta, për ne dhe për të gjithë Shqipërinë. Secili nga ju të këtë edhe dhjetë vetë me vete”, tha Kryemadhi.

NDANI KËTË POSTIM

Mund tju interesojne