Kushtet e punës në Kosovë, sidomos në sektorin e ndërtimtarisë janë shumë të rënda.
Shumë punëtorë vdesin e shumë të tjerë lëndohen gjatë vitit, derisa në kushte shumë të rënda po punojnë edhe punëtorët e Bechtel Enkas, në magjistralen Prishtinë-Shkup.
Një video që qarkullon në rrjetet sociale dhe mediat vendore në Kosovë, tregon se si punon një punëtor i kësaj kompanie, duke rrezikuar edhe jetën.
Rreth tre javë më parë, një punëtor po ashtu i kësaj kompanie, kishte mbetur i varur për rreth dy orë, duke mbetur as në tokë dhe as në qiell.