Në mesin e një situate pa krye lidhur me tërheqjen e SHBA-së nga Siria dhe dëshirën turke për të luftuar milicitë kurde, aleatë të SHBA-së në Siri, Sekretari i Shtetit Mike Pompeo paralajmëroi Ankaranë pa kushte nëse forcat turke do të ndërmerrnin një aksion ushtarak të njëanshëm në Siri, kjo do të kishte pasoja “shkatërrimtare”.
Pompeo u takua me homologun e tij, Ministrin e Jashtëm turk Melvut Çavusoglu, të mërkurën në Uashington DC, i cili e quajti takimin “konstruktiv”. Të dy vendet ndodhen në një përplasje pasi Uashingtoni po e pengon Ankaranë nga programi i përbashkët i avionëve luftarakë F-35 me arsyen se Turqia po blen sisteme raketore anti-ajrore S-400 nga Rusia.
“Sekretari Pompeo shprehu mbështetje për negociatat e vazhdueshme në lidhje me Sirinë verilindore, duke paralajmëruar ndërkohë edhe për pasojat potencialisht shkatërrimtare të veprimeve ushtarake të njëanshme turke në rajon”, tha zëdhënësi i Departamentit të Shtetit Robert Palladino në një deklaratë pas bisedimeve.
#ABD Dışişleri Bakanı Mike Pompeo’yla ikili ilişkilerimizde yer alan sınamalar&ortak gündemimizdeki konular hakkında yapıcı bir görüşme gerçekleştirdik.
Had a constructive meeting w/@SecPompeo on challenges in our bilateral relations and issues on #Turkey–#US common agenda. pic.twitter.com/690Lto5oVr
— Mevlüt Çavuşoğlu (@MevlutCavusoglu) April 3, 2019
Uashingtoni i propozoi Ankarasë një blerje alternative të një sistemi raketor MIM-104 Patriot, por kjo u kundërshtua.
Megjithatë, nënpresidenti turk Fuat Oktay ju kthye ashpër Pompeos duke i thënë se SHBA “duhet të zgjedhë” nëse dëshiron “të mbetet aleat i Turqisë ose të rrezikojë miqësinë tonë duke bashkuar forcat me terroristët”, një referim që Ankaraja bën për YPG-në dhe milicitë e tjera kurde, dhe “të minojnë mbrojtjen e aleatit të NATO-s kundrejt armiqve të tij”.
The United States must choose. Does it want to remain Turkey’s ally or risk our friendship by joining forces with terrorists to undermine its NATO ally’s defense against its enemies?
— Fuat Oktay (@fuatoktay) April 3, 2019
Milicët kurdë në Sirinë lindore kanë qenë aleati kryesor i SHBA-së në luftën kundër Daeshit. Uashingtoni e detyroi Ankaranë në fund të vitit të kaluar që të mos ndërmarrë aksione ushtarake kundër kurdëve. Megjithatë, tani që Presidenti i SHBA-së Donald Trump ka njoftuar tërheqjen e forcave amerikane nga Siria pas disfatës së Daesh-it, dera përsëri duket se është hapur për Ankaranë./sputnik/Gazeta Impakt
