Shqiperia

Reuters jehonë studentëve: Protestë e rrallë në Shqipëri

Agjencia e njohur ndërkombëtare e lajmeve, Reuters, i ka bërë jehonë protestës së studentëve në Shqipëri.

Sipas Reuters, studentët shqiptarë bllokuan një kryqëzim të rëndësishëm në kryeqytet të martën pasi qeveria nuk përmbushi kërkesat e tyre për të përmirësuar sistemin arsimor dhe uljen e tarifave.

Protesta paqësore dhe plot ngjyra, që ka nisur prej një jave jashtë Ministrisë së Arsimit, është një shfaqje e rrallë zemërimi në një vend ku manifestimet organizohen zakonisht nga partitë politike.

Protesta e vendos nën presion kryeministrin socialist, Edi Rama, ofertat e të cilit janë refuzuar.

“Pasi të plotësohen tetë kërkesat tona, do të kemi dialog. Nuk do të ketë dialog përpara kësaj”, tha një studente. Kërkesat përfshijnë dyfishimin e financimeve për universitetet, përfaqësim më i mirë i studentëve, më shumë para për kërkim dhe akomodim më i mirë.

Rama u tha protestuesve në një postim në Facebook se…, “Do ju pres në çdo orë dhe jam gati që të punoj me ju, jo vetëm për t’iu përgjigjur tetë kërkesave tuaja, por edhe për të kthyer këtë moment në një fazë të re, transformuese për universitetet”.

Një student 21-vjeçar i Informatikës, Ledion Mema, mbante një poster ku shfaqej Napoleon Bonaparti, Adolf Hitleri dhe ministrja e Arsimit, Lindita Nikolla, ku shkruhej…, “Askush nuk e fiton një luftë në dimër”.

Image

 

OPINIONE