Bota

Rihapet Mesxhid al-Aksa pas mbylljes për më shumë se 2 muaj

Muslimanët sot me tekbire dhe lutje hynë në Mesxhid al-Aksa, e cila u rihap për adhurim me namazin e sabahut pas mbylljes më shumë se dymujore për shkak të pandemisë së koronavirusit (COVID-19).

Autoriteti i Vakëfeve Islame në Kuds nga minaret e faltores së shenjtë njoftoi se Mesxhid al-Aksa do të hapet duke filluar nga namazi i sabahut.

Al-Aksa ishte mbyllur më 23 mars në kuadër të luftës kundër COVID-19.

Që atëherë, xhemati nuk lejohej të hynte brenda, ndërsa namazi në Aksa falej nga punëtorët e angazhuar dhe rojet e saj.

Ndërkohë, policia izraelite nuk lejoi që korrsepondentët e AA-së të hyjnë për të filmuar hapjen e Al-Aksasë për adhurime./AA

OPINIONE

INTERVISTA