Bota

Rumani, “veting” priftërinjve

Vatikani i ka kërkuar Rumanisë të kalojë në sitë të shkuarën komuniste të priftërinjve; Në kohën kur vendin pritet ta vizitojë Papa Francesku, selia e shenjtë po përpiqet të zbulojë nëse disa klerikë kanë bashkëpunuar me shërbimin famëkeq sekret, “Securitate” gjatë kohës së regjimit të vjetër.

Vëmendja është përqendruar sidomos te 6 priftërinj katolikë.

Kërkesën e paprecedentë ia dërgoi fillimisht ambasadori papnor në Rumani Miguel Angel Buendia Këshillit Kombëtar për studimin e arkivave të “Securitates”; Dokumenti ka dalë në dritë tani, më pak se katër muaj përpara vizitës së parashikuar të Papës argjentinas në Rumani në maj.

Në kërkesën e Vatikanit thuhet se Selia e Shenjtë ka marrë sinjale për një bashkëpunim të mundshëm të disa klerikëve katolikë nga Dioqeza e Iashit me sigurimit e shtetit në periudhën kur regjimi komunist ishte drejt fundit.

Aty theksohet se disa prej gjashtë priftërinjve të dyshuar, janë aktualisht në listë pritjeje për t’u bërë peshkopë.

OPINIONE