Të burgosurit palestinezë përballen me kushte çnjerëzore nën urdhrat e Ben Gvirit

Qendra Palestinë për Mbrojtjen e të Burgosurve:
•    Pamjet demonstrative të ministrit ekstremist të Sigurisë Kombëtare izraelite, Itamar Ben Gvir, përpara një grupi të burgosurish të lidhur dhe të shtrirë përtokë janë të neveritshme — një skenë që mund të vijë vetëm nga një personalitet sadist dhe një sistem që ka rënë në nivelet më të ulëta të poshtërimit dhe çmendurisë.
•    Llogaritjet politike dhe partiake, si dhe mentaliteti gjakatar, janë bërë tashmë shtylla kryesore e mënyrës se si pushtimi trajton masën e të burgosurve palestinezë; ne paralajmërojmë për pasojat e vazhdimit të kësaj politike.
•    Kushtet e paraburgimit dhe të ndalimit të të burgosurve po përkeqësohen çdo ditë, për shkak të vendimeve dhe ndëshkimeve të paprecedenta të vendosura nga Ben Gvir.
•    U bëjmë thirrje mediave palestineze, arabe dhe ndërkombëtare që të hedhin më shumë dritë mbi vuajtjet gjithnjë e më të rënda të mbi 10 mijë të burgosurve që ndodhen në burgje e kampe ndalimi që nuk plotësojnë as kushtet minimale të jetesës njerëzore./kohaislame