Sipas të dhënave paraprake 58 persona kanë humbur jetën dhe 50 të tjerë janë plagosur pasi një tren udhëtarësh në rajonin Punjab të Indisë ka goditur turmën e njerëzve të grumbulluar pranë shinave hekurudhore për të ndjekur aktivitetet me rastin e një feste.
Treni që kryente udhëtimin ndërqytetas ka kaluar në mesin e turmës së njerëzve të mbledhur në zonën periferike të qytetit Amritsar për të ndjekur festimet në kuadër të festës Dhanteras, e cila për indianët konsiderohet e shenjtë.
Dëshmitarët kanë bërë të ditur se shumë njerëz kanë përfunduar poshtë trenit për shkak se rruga e ikjes ishte mbyllur nga një tren tjetër që vinte në të njëjtën kohë në anën e kundërt.
Zëdhënësi i policisë së rajonit S. S. Srivastava, është shprehur se deri më tani kanë gjetur 58 trupa të pajetë. Ndërkohë bëhet e ditur se për shkak të aksidentit janë dërguar nëpër spitalet përreth edhe rreth 50 të plagosur.
Po ashtu shprehen shqetësimet se mund të rritet numri i personave që kanë humbur jetën në ngjarje.
Burimi; AA
