Bota

Turqia paralajmëron Francën për mbështetjen ndaj kurdëve

Turqia paralajmëroi sot Francën për mbështetjen që po i jep milicive kurdë në Siri.

Kjo milici, e Njësive të Mbrojtjes së Popullit (YPG), është maja e heshtës në terren në Siri e koalicionit ndërkombëtar të drejtuar nga Uashingtoni. Ajo konsiderohet “terroriste” nga Ankaraja për lidhjet e saj me Partinë e Punëtorëve të Kurdistanit (PKK) që po zhvillon një luftë terroriste të përgjakshme në territorin turk që prej vitit 1984.

“Nuk është aspak një sekret që Franca mbështet YPG-në. Macron takoi përfaqësuesit e tyre”, deklaroi shefi turk i diplomacisë, Mevlut Cavusoglu, i cituar nga agjencia shtetërore “Anadoll”.

“Ne nuk kemi informacione mbi dërgimin e ushtarëve të rinj francezë por ata vazhdojnë të mbajnë praninë aktuale. Nëse ata qëndrojnë për të ndihmuar në të ardhmen e Sirisë, atëherë faleminderit. Por nëse qëndrojnë për të mbrojtur YPG-në, kjo nuk është në përfitim të asnjërit”, shtoi ai.

Presidenti amerikan, Donald Trump urdhëroi të mërkurën tërheqjen e rreth 2 000 trupave ushtarake amerikane të vendosura në Siri.

OPINIONE