Bota

Turqia paralajmëron: Kushdo që na del përpara s’mund të na ndalë

Ministri i Jashtëm i Turqisë, Mevlüt Çavuşoğlu, në lidhje me lajmet nëse regjimi i Asadit dhe forcat mbështetëse të tij do të hyjnë në Afrin tha se “Kushdo që na del përpara nuk mund të na ndalë. Ne do të ndërhyjmë kundër YPG-së dhe kujtdo që e mbështet atë”, transmeton Anadolu Agency.

“Nëse forcat e regjimit luftojnë kundër kësaj organizate terroriste dhe i pastron ato, atëherë është tjetër gjë, por nëse regjimi mbështet këtë organizatë terroriste e cila aktualisht është bashkë me DEASH-in, pikërisht atëherë askush nuk do të mund ta ndalojë ushtrinë turke. Kushdo që na del përpara nuk mund të na ndalë”, tha Çavuşoğlu.

“Ne do të ndërhyjmë kundër YPG-së dhe kujtdo që e mbështet atë. Duhet ta bëjmë këtë sepse tashmë kjo për ne është jetësore. Nëse nuk ndërhyn sot për të eliminuar këtë kërcënim, nesër kjo do të na dalë përballë sërish si një kërcënim edhe më i madh. Kushdo që e lufton YPG-në në rregull por kushdo që tenton ta mbrojë për ne është i barabartë me YPG-në”, deklaroi Çavuşoğlu në një program në 24 TV, duke vënë theksin se YPG/PKK është një organizatë terroristë si DEASH-i.

Në pyetjen nëse kanë hyrë apo jo në rajonin Afrin nën pushtimin e organizatës terroriste PYD/PKK-së, forcat e emëruara si “Forcat popullore” të regjimit të Asadit, Çavuşoğlu, është përgjigjur: “Aktualisht forcat e regjimit nuk kanë hyrë në Afrin. Gjithashtu është e paqartë nëse do të hyjnë apo jo sepse ka deklarata kundërshtuese me njëra tjetrën. Ditën e djeshme nga burime të ndryshme, madje organe shumë serioze të shtypit ka patur deklarata të tilla por më pas regjimi i ka përgënjeshtruar duke theksuar se ‘nuk janë të drejta’. Ndërsa në anën tjetër është mëse e qartë se nuk kanë hyrë”.

Duke vënë në dukje se Turqia në marrëdhëniet me SHBA-të pret që të ndërmerren hapa konkretë. “Ende nuk kemi arritur në këtë fazë. Takimet tona të para do t’i zhvillojmë jo më vonë se në pjesën e parë të muajit mars”, potencon Çavuşoğlu.

Lidhur me pyetjen se si e ka vlerësuar Sekretari amerikan i Shtetit, Rex Tillerson mos mbajtjen e premtimeve, Çavuşoğlu tha se “Tillerson ka thënë ‘Deri më sot kemi dhënë fjalën, nuk e kemi mbajtur‘. Në të vërtetë kjo është një pranim. Nëse një njeri pranon gabimin e tij dhe të kërkon ‘më jepni një mundësi‘ për mendimin tim kjo gjë duhet të provohet”.

OPINIONE