Ministri i Jashtëm i Iranit ka kritikuar edhe një herë Shtetet e Bashkuara për ndjekjen e politikës së vjetruar dhe të dështuar ndaj Iranit, duke i këshilluar politikanët amerikanë që të ndryshojnë politikën e tyre “të falimentuar”.
Muhamed Xhavad Zarif i bëri deklaratat në një postim të enjten, ndërsa përkujtoi ditën e fundit të vitit diellor iranian, e cila shënon Ditën e Kombëtarizimit të Industrisë së Naftës në Iran. “69 vjet më parë, Kryeministri i zgjedhur në mënyrë demokratike i Iranit nacionalizoi industrinë tonë të naftës për t’i dhënë fund plaçkitjes së pasurisë sonë. Përgjigja e SHBA ishte: embargo + ndryshimi i regjimit, “tha Zarif në postimin e tij. Ai e krahasoi këtë politikë me atë që Shtetet e Bashkuara kanë ndjekur kundrejt Republikës Islame që nga fitorja e Revolucionit Islamik në 1979, duke kritikuar Uashingtonin për ndjekjen e të njëjtës politikë, e cila tashmë është vërtetuar se nuk ka vlerë në detyrimin e Iranit për të pranuar kërkesat arrogante të SHBA. “Nga viti 1979, ndryshimi i regjimit + embargo u bë përsëri elementi i politikës amerikane ndaj Iranit – madje edhe në mes të pandemisë së koronavirusit,” shtoi ministri i Jashtëm i Iranit, duke i këshilluar politikanët amerikanë që të ndryshojnë këtë “politikë të falimentuar”./PT
