Bota

A besoni se është qëllimi ynë? Putin thotë se e di ‘shumë mirë’ se kush kërkon të sundojë botën

Rusia nuk synon të qeverisë botën, dhe supozimet e tilla janë pjesë e një “mentaliteti të imponuar” që përdoret për të tërhequr njerëzit, i tha Vladimir Putin një gazetari WSJ kur u pyet për ambiciet e supozuara të Rusisë për dominimin botëror.

I ballafaquar me një pyetje mjaft provokuese nga Shefi i Byrosë së Moskës të WSJ, Ann Maria Simmons, Putin tha se “kur vjen puna për të qeverisur botën, ne e dimë shumë mirë se ku eshte  selia [e atyre që po përpiqen të bëjnë pikërisht këtë”, është e vendosur. “Dhe nuk është në Moskë,” shtoi presidenti duke folur në një seancë vjetore të P & A në Moskë.

 

Ndonëse udhëheqësi rus nuk ka akuzuar haptazi Uashingtonin se ka disa ambicie globale, ai vazhdon të thotë se konkurimi i vazhdueshëm i ndikimit në arenën ndërkombëtare lidhet me “rolin udhëheqës amerikan në ekonominë botërore” dhe shpenzimet e mëdha të mbrojtjes që arrijnë në “më shumë se 700 miliardë dollarë “, të cilat Uashingtoni me sa duket përpiqet ti përkthej në njëfarë fuqie politike.

Shpenzimet e mbrojtjes të Rusisë arrijnë në vetëm 46 miliardë dollarë, tha presidenti, duke vënë në dukje se popullsia e përgjithshme e vendeve të NATO-s llogaritet për rreth 600 milionë njerëz, ndërsa Rusia ka vetëm rreth 140 milionë.

“A besoni me të vërtetë se është qëllimi ynë për të sunduar botën?”- Pyeti Putin retorikisht.

Të gjitha spekulimet rreth aspiratave të supozuara të Rusisë për dominimin botëror nuk janë asgjë tjetër veçse një“mentalitet i imponuar nga disa për të arritur qëllimet e brendshme” , tha presidenti./ rt/ gazeta impakt