Ambasada e Federatës Ruse në Shqipëri ka publikuar sot intervistën e Ambasadorit Andrey A. Zaytsev, dhënë për gazetën “Impakt”, në kuadër të 80-vjetorit të Fitores në Luftën e Madhe Patriotike (1941-1945).
Në këtë intervistë, ambasadori thekson rëndësinë e ruajtjes së kujtesës historike mbi luftën kundër nazizmit, duke nënvizuar se për popullin rus kjo festë është “me lot në sy”, për shkak të humbjeve të mëdha që pësoi Bashkimi Sovjetik – mbi 27 milionë jetë të humbura.
Zaytsev vlerëson gjithashtu kontributin e aleatëve në koalicionin antihitlerian, përfshirë Shqipërinë, e cila, sipas tij, sakrifikoi 28 mijë patriotë në luftën për liri. Ai paralajmëron për rreziqet e revizionizmit historik dhe thekson se një nga prioritetet e politikës së jashtme ruse mbetet lufta kundër përhapjes së ideve ekstremiste dhe të intolerancës.
Ambasada njofton gjithashtu për organizimin e disa veprimtarive kulturore dhe përkujtimore me rastin e kësaj ngjarjeje, përfshirë ekspozita, shfaqje filmash dhe një koncert festiv nga grupi “Kori i Turetsky”.
Postimi i plotë:
✍️ Intervistë e Ambasadorit të Rusisë në Shqipëri, A.A.Zaytsev për gazetën «Impakt» në prag të 80-vjetorit të Fitores në Luftën e Madhe Patriotike (28 prill 2025)
Teza kryesore:
🕊 Këtë vit ne festojmë 8️⃣0️⃣ vjetorin e Fitores në Luftën e Madhe Patriotike të 1941-1945. <…> Për rusët, Dita e Fitores është një festë, siç thotë një këngë e famshme, me lot në sy. Lufta e Madhe Patriotike preku pothuajse çdo familje – të gjithë popujt e BRSS mbajtën mbi supet e tyre një barrë të padurueshme të privimit, urisë, pushtimit, punës vetëmohuese në prapavijë. Populli Sovjetik pagoi një çmim të madh për Fitoren, duke humbur 27 milionë njerëz në atë luftë.
🌐 Ne kurrë nuk e ndamë Fitoren në tonën dhe të dikujt tjetër. Ne vlerësojmë shumë rolin e aleatëve në koalicionin antihitlerian, veprimet e partizanëve, pjesëmarrësve në lëvizjen e Rezistencës. <…> Të mos harrojmë kontributin e Shqipërisë në fitoren e përgjithshme, në luftën për lirinë e së cilës ranë 28 mijë patriotë trima.
☝️ Lufta kundër revanshizmit historik dhe revizionizmit është një nga prioritetet aktuale të politikës së jashtme të Rusisë. Është detyra jonë e shenjtë të kujtojmë pasojat katastrofike që solli aventura e Hitlerit për mbarë njerëzimin dhe të parandalojmë përsëritjen e ngjarjeve të atyre viteve, të parandalojmë përhapjen e ideve të mostolerancës, ksenofobisë, epërsisë racore, kombëtare apo të tjera.
✅ Ne kemi planifikuar një sërë ngjarjesh kushtuar 80-vjetorit të Fitores: shfaqje filmash, ekspozita fotografike për ngjarjet dhe heronjtë e Luftës së Madhe Patriotike, një koncert festiv nga grupi i famshëm muzikor rus “Kori i Turetsky” dhe një projekt historik ndërkombëtar “Diktimi i Fitores”. <…> Së bashku me bashkatdhetarët tanë do të marrim pjesë në nismat “Regjimenti i pavdekshëm”, “Qiri i kujtimit”, “Shiriti i Shën Gjergjit”. Në Ambasadë është planifikuar edhe një pritje zyrtare.
👉Lexoni të plotë: https://gazetaimpakt.com/ambasadori-zaytsev-80-vjet-nga-fitorja-ndaj-nazizmit-kujtesa-historike-dhe-roli-vendimtar-i-brss/
#Fitorja80
