Alexey Erkhov, ambasador i ri i Federatës Ruse në Ankara, nisi të enjten zyrtarisht detyrën e tij në kryeqytetin turk.
Ambasadori Erkhov i dorëzoi letrat kredenciale Presidentit të Turqisë, Recep Tayyip Erdogan.
Shefi i ri i misionit diplomatik rus në Ankara u prit nga Erdogan në Kompleksin Presidencial.
Pas ceremonisë së dorëzimit të letrave kredenciale, Erkhov filloi zyrtarisht detyrën e tij të re.
Diplomati rus është një njohës shumë i mirë i Turqisë.
Ai ka qenë më parë konsull i përgjithshëm i Rusisë në Stamboll.
Posti i tij i fundit përpara se të vinte në Ankara ishte drejtues i lartë në Departamentin e Ministrisë së Punëve të Jashtme të Federatës Ruse për Gjendjen e Jashtëzakonshme.
Alexey Erkhov bëhet kështu pasuesi i ish-ambasadorit të ndjerë të Federatës Ruse në Ankara, Andrey Karlov, që humbi jetën si pasojë e një atentati me armë, në dhjetor të 2016-s, teksa po vizitonte një ekspozitë në kryeqytetin turk./ trt
